Սահմանադարական կարգի տապալման մեջ մեղադրվող Ռոբերտ Քոչարյանի գործը բաղկացած է 80 հատորից: Դատական նիստը չի մտնում բուն դատաքննության փուլ, և այդպես էլ հնարավոր չի լինում տեղեկանալ՝ ովքեր են ցուցմունք տվողները, ինչ առանցքային ցուցմունքներ են տվել: «Առաջին լրատվական»-ը այսուհետև հրապարակելու Ռ. Քոչարյանի 80 հատորանոց գործից մանրամասներ:
Թեմայի շուրջ «Առաջին լրատվական»-ի հետ զրույցում փաստաբան Սեդա Սաֆարյանը ներկայացրեց դրվագներ: Նրա խոսքով՝ ՀՔԾ-ն չպետք է սահմանափակվեր սահմանադրական կարգի տապալման հոդվածով, քանի որ մեղադրական եզրակացության մեջ կան այնպիսի ձևակերպումներ և քրեական գործով կան այնպիսի փաստական տվյալներ, որոնք այլ հանցագործությունների մասին են վկայում՝ հանցավոր համագործակցություն օլիգարխիկ համակարգի, զինված խմբերի, պատգամավորների թիկնապահների, ԼՂ-ից բերված զինված խմբերի հետ և այլն:
Փաստաբանը նաև ներկայացրեց դրվագներ, թե ինչ դերակատարություն են ունեցել Բելլա Քոչարյանն ու նրա անվտանգության թիմը Մարտի 1-ի դեպքերին:
«Քոչարյանը ինչպես կարող է տեղյակ չլինել, երբ որ նրա կնոջ անվտանգության աշխատողների միջոցով խնդիրներ են լուծվել, հրամանատարին հեռացրել են, մի քանի տարի հետապնդել են, այդ անձը շատ դժվար կացության մեջ է եղել Հայաստանում. գիտեք, միայն աշխատանքից հեռացնելով չեն բավարարվել, հալածել են…»,- նշեց Սաֆարյանը:
Մանրամասները՝ տեսանյութում: