Անդրադառնալով օգոստոսի 4-ի Արցախի նախագահ Բակո Սահակյանի և ՀՀ զինված ուժերի շտաբի պետ Յուրի Խաչատուրովի հանդիպմանը՝ թերթը գրում է.
«ԼՂՀ նախագահականի տեղեկատվության համաձայն՝ քննարկել են «բանակաշինության և այդ ոլորտում 2 հայկական պետությունների համագործակցությանը վերաբերող հարցեր»:
Թերթի տեղեկություններով՝ անցյալ ամսին Երևանում զինվորականների հետ մի հավաքի ժամանակ ՀՀ ԶՈՒ գլխավոր շտաբի պետը ելույթ է ունեցել ազատագրված հողերը թշնամուն հանձնելու օգտին՝ դա պատճառաբանելով նրանով, որ հակառակորդն այսօր ուժեղ է:
«Նրա խոսքերը խիստ դժգոհություն են առաջացրել զինվորականների մեջ: ԼՂՀ նախագահականից հետաքրքրվեցինք՝ արդյո՞ք Խաչատուրովը ԼՂՀ նախագահի հետ քննարկել է հողերի հանձնման հարցը: Մեզ հավաստիացրին, որ հանդիպման ժամանակ միայն «բանակաշինության» հարցերն են քննարկվել»,- հավելում է թերթը:
