ՌԴ ԱԳնախարար Սերգեյ Լավրովը հայտարարել է, որ գերմանական հատուկ ծառայությունները կարող էին օգնել ընդդիմադիր գործիչ Ալեքսեյ Նավալնիին «Գելենջիկի պալատի» մասին ֆիլմի ստեղծման հարցում:
Նա հավելել է, որ Արևմուտքը փորձում է Նավալնիին դարձնել Ռուսաստանի հետ երկխոսության գրեթե գլխավոր թեման:
Դիվանագետը հիշեցրել է, որ իր ֆիլմում Նավալնին այցելում է Դրեզդենի խորհրդային հետախուզության ռեզիդենտուրայի շենք և ցուցադրում արխիվային փաստաթղթեր: Նա նշել է, որ այս շենք մուտք գործել և փաստաթղթերին հասանելիություն ստանալ «անհնար է առանց ԳԴՀ իշխանությունների հետ համագործակցության»:
ԱԳՆ ղեկավարի խոսքով, գերատեսչությունը պարզաբանում ստանալու համար դիմել է Բեռլին և ստացել է հետևյալ պատասխանը. ցուցադրված փաստաթղթերը ոչ մի գաղտնիք չեն պարունակում, հետևաբար Բեռլինում խնդիր չեն տեսնում այն փաստի մեջ, որ նյութերը ցուցադրվել են առանց սուբյեկտների, այս դեպքում՝ նախագահ Վլադիմիր Պուտինի համաձայնության:
«Մեկնաբանություններն ավելորդ են»,- ասել է Լավրովը:
