Johnson & Johnson ընկերությունը դիմում է ներկայացրել ԱՄՆ-ում իր կորոնավիրուսի դեմ մեկ դեղաչափով պատվաստանյութի շտապ օգտագործման թույլտվություն ստանալու համար, հաղորդում է Politico-ն:
«COVID-19-ի դեմ մեր պատվաստանյութի շտապ օգտագործման թույլտվություն ստանալուց հետո, մենք պատրաստ ենք սկսել մատակարարումը: Մենք աշխատում ենք որքան հնարավոր է շուտ այն հասանելի դարձնել բնակչությանը»,- ասել է J&J-ի գլխավոր գիտաշխատող Փոլ Սթոֆելսը:
Ավելի վաղ ընկերությունը հայտնել էր, որ իր կորոնավիրուսի դեմ պատվաստանյութը 66% արդյունավետություն է ցույց տվել:
