«Պատերազմը սկսվելուց դեռևս հինգ օր առաջ մենք կրակային դիրքում էինք, ես հրետանավոր եմ: Սեպտեմբերի 27-ի առավոտյան սկսեցին հրետանակոծությունը, սկսեցին խփել մեր զորամասին: Սկիզբը դժվարին էր, բայց ընթացքում հրամանատարությունը կարողացավ ճիշտ կազմակերպել և կատարել մարտական խնդիրները»,- այս մասին «Առաջին լրատվական»-ի հետ զրույցում ասաց Արցախյան երկրորդ պատերազմի մասնակից Ալեն Չափխանյանը:
Արցախյան երկրորդ պատերազմի մասնակից Հովհաննես Ենգոյանը նշեց, որ սեպտեմբերի 27-ին,երբ լսել է պատերազմի մասին, գնացել է զինկոմիսարիատ և հերթագրվել, 28-ին ուղևորվել է Մարտակերտ: «Մեր խնդիրն էր՝ պահել դիրքերը: Մեծ հպարտությամբ կարող եմ ասել, որ կատարել ենք մեր բոլոր մարտական խնդիրը՝ մեր հրամանատարների ամուր կամքի, խելքի ու կազմակերպվածության և մեր զինվորների շնորհիվ… Ես հպարտանում եմ մեր 18 տարեկաններով»:
Տղաներն ընդգծեցին, որ բանակը չի պարտվել, զինվորները ո՛չ ջանք են խնայել, ո՛չ կյանք. «Մի բուռ դարձած, հետ էին մղում հակառակորդին և չէին ուզում նահանջել, մահն աչքներին՝ արել են ամեն հնարավորը»:
Մանրամասները՝ տեսանյութում: