«Ինձ թվում է իմ մասնագիտական փորձը և գիտելիքներն են դեր խաղացել»,- այս մասին «Առաջին լրատվական»-ի հետ զրույցում վստահեցրեց ԲԴԽ նորընտիր անդամ Դավիթ Խաչատուրյանը՝ անդրադառնալով հարցին, թե ՀՔԾ պետ Սասուն Խաչատրյանի եղբայրը լինելու գործոնը դեր խաղացե՞լ է որպես ԲԴԽ անդամի թեկնածու առաջադրվելու գործում, թե ոչ: «Իմ մուտքը ԲԴԽ տեղի ունեցավ շատ լավ, աշխատանքային հանդիպումներ տեղի ունեցանք, նիստ անցկացրեցինք, նորմալ անցավ»,-նշեց ԲԴԽ անդամը:
Անդրադառնալով հարցին, թե մինչև ԲԴԽ անդամ ընտրվելը, արդյո՞ք ԲԴԽ աշխատանքը բավարերել է իրեն, Խաչատուրյանը նշեց, որ իր կարգավիճակով պայմանավորված՝ կաշկանդված է այդ մասին գնահատական տալ. «Կարծում եմ փաստարկմամբ պետք է ավելի բարելավել ԲԴԽ-ի գործունեությունը»:
«Պետք է իրական բարեփոխումներ սկսել դատաիրավական համակարգում, հստակ չափանիշներ պետք է սահմանել դատավորների աշխատանքը գնահատելու համար: Առաջարկել եմ հետևել դատավորների գործունեությանը, նրանց կայացրած որոշումներին»,- նշեց Խաչատուրյանը:
Անդրադառնալով դիտարկմանը, որ դատաիրավական համակարգի փոփոխություններով նախատեսվում է նաև աշխատավարձերի բարձրացում, Խաչատուրյանը կարծիք հայտնեց, որ աշխատավարձի բարձրացումը դատավորներին գայթակղությունից զերծ պահելու համար բավարար չէ. «Եթե խոսում ենք կոռուպցիոն ռիսկերի մասին, շատ ավելի մեծ նշանակություն ունի բացահայտումը և պատիժը, ինչպես նաև առանձին դատավարական գործիքները»:
Խաչատուրյանը նաև ընդգծեց,որ «փչացած» օրենքներ կան, որոնք օրենքի «ռեզին» են և առավելագույն պատժից նվազագույնի անցնելու երկար ճանապարհին հնարավորություն են տալիս օգտվել: Նրա խոսքով՝ օրենքները պետք է լինեն շատ ավելի հստակ:
Մանրամասները՝ տեսանյութում: