Լեհաստանի նախագահ Անջեյ Դուդան «միանգամայն արդարացված» է համարել Ալեքսեյ Նավալնիի հետ կապված իրավիճակի ֆոնին Ռուսաստանի դեմ ավելի խիստ պատժամիջոցների մասին խոսակցությունները: Նրա խոսքերը մեջբերում է ՌԻԱ Նովոստին:
Դուդայի խոսքով՝ պատժամիջոցները միակ միջոցն են՝ «առանց հրացանների, թնդանոթների և ռումբերի» Ռուսաստանին ստիպելու փոխել իր քաղաքականությունը։
Բացի այդ, Լեհաստանի ղեկավարն առաջարկել է ճնշում գործադրել Ռուսաստանի վրա «Գազպրոմ» -ի միջոցով՝ սահմանափակելով ընկերության «տնտեսական գործունեության հնարավորությունը» Եվրամիության տարածքում:
Հունվարի 25-ին տեղի կունենա Եվրամիության երկրների արտգործնախարարների հանդիպումը, որի ժամանակ կքննարկվեն հակառուսական հնարավոր նոր պատժամիջոցները: