Մեծ Բրիտանիայում «սառը պատերազմի» բունկերը վաճառքի է հանվել 25000 ֆունտ ստեռլինգով (մոտ 18 մլն դրամ): Հայտնում է The Mirror-ը:
Բունկերն ունի 4.3 մետր խորություն (14 ոտնաչափ): Սենյակում կա երկու ժանգոտ մահճակալ և քիմիական զուգարան: Կապը գործում է, թե ոչ, չի նշվում:
Ապաստանը ծառայում էր որպես թագավորական դիտորդների կայան և երկրում 1563 բունկերների համակարգի մաս էր կազմում: Կարելի է մտնել այնտեղ՝ բացելով ծանր մետաղական լյուկը: Այն ի սկզբանե կառուցվել է ատոմային ռումբի պայթյունի հետևանքները դիտարկելու համար: Ներսում դիտորդների տրամադրության տակ եղել է Geiger հաշվիչ և պայթյունի հզորության ցուցիչ:
Բունկերը կառուցվել է 1961-ին, իսկ շահագործումից հանվել է 1991-ին: Ըստ բունկեր վաճառող Devon and Cornwall աճուրդի տան տնօրեն Ադամ Քուքի, մարդիկ շահագրգռված են այն ձեռք բերել որպես կորոնավիրուսային համաճարակի ապաստան:
