Մաշկաբան, կոսմետոլոգ Ստանիսլավ Արկաննիկովը պատմեց, թե ինչպես է կորոնավիրուսն ազդում մարդու մաշկի վրա:
Մասնագետը նշեց, որ մաշկը մարդու օրգանիզմի հայելին է, որով հնարավոր է պարզել՝ նա առողջ է, թե հիվանդ, և թե ինչ քրոնիկ հիվանդություններ ունի: Այսինքն, եթե իմունային համակարգը տառապում է COVID-19-ից, ապա դա կազդի նաև մաշկի վիճակի վրա:
Ինչպես շեշտեց Արկաննիկովը Radio Sputnik–ին տված հարցազրույցում, մաշկի խնդիրները կապված չեն դիմակներ կրելու հետ: Բացի դրանից, այն չի վերածվի դեմոդեկոզ հիվանդության, որի հարուցիչը մարդկանց 90%-ի մաշկի և մազերի վրա ապրող Demodecosis կոչվող տիզերն են։
Ըստ նրա, այս հիվանդության զարգացմանը նպաստում են իմունիտետի խանգարումները, նախկինում տարած հիվանդությունները, քրոնիկ հիվանդության պատճառով մաշկի ընդհանուր խնդիրները:
«Արդյոք մեր օգտագործած դիմակը նպաստո՞ւմ է դեմոդեկոզի զարգացմանը: Իհարկե ոչ»,- ասաց կոսմետոլոգը:
Բժիշկը նաև հավելեց, որ բժշկությունը պետք է հատուկ ալգորիթմ մշակի «հետքովիդային» առողջական, այդ թվում՝ մաշկային խնդիրները լուծելու համար: