Ստեփանակերտում շարունակում է աշխատել քաղաքացիների ընդունելության կենտրոնը, որտեղ գործում է «թեժ գիծ»՝ Լեռնային Ղարաբաղի հակամարտության ընթացքում անհայտ կորածների մասին տեղեկատվություն հավաքելու համար:
Այս մասին տեղեկացնում է ՌԴ պաշտպանության նախարարությունը:
Նրանց որոնումներն իրականացնում է ռուսական խաղաղապահ զորակազմը՝ Կարմիր խաչի միջազգային կոմիտեի, ադրբեջանական և հայկական կողմերի ներկայացուցիչների հետ համագործակցությամբ:
Բոլոր հարցումները գրանցվում են, մուտքագրվում տվյալների բազա և փոխանցվում որոնման խմբերին:
Ընդհանուր առմամբ, ըստ ՌԴ ՊՆ-ի, ավելի քան 2320 մարդ է դիմել ընդունարան ` օգնություն ստանալու համար, որից 575-ը թեժ գծի միջոցով:
