Այսօր՝ հունվարի 20-ին, ԱԺ-Կառավարություն հարցուպատասխանի ժամանակ ԲՀԿ խմբակցության պատգամավոր Միքայել Մելքումյանը, դիմելով վարչապետին, ասաց. «Ցուցաբերեք քաղաքական կամք. արտահերթ ընտրությունների մեխանիզմը ձեր հրաժարականն է՝ առանց նախապայմանների: Եթե պաշտպանական և արտաքին քաղաքականությունը ձախողվում է, վարչապետն ունի՞ մեղավորություն, թե՞ ոչ: Ես կարծում եմ` ունի»:
Նրա խոսքով՝ 2010-ին ընդունված վարչատարածքային բաժանման դրույթը չի գործում այլևս. «Հստակ է դա»:
Ի պատասխան վարչապետն ասաց. «Դուք ինչու եք անընդհատ մեզ խորհուրդ տալիս, թե մենք ինչ անենք: Խորհրդարանական խմբակցությունով մենք կքննարկենք և կորոշենք ինչ անել: Մենք ներկայացնում ենք ժողովրդին և պատրաստ ենք գնալ կանգնել ժողովրդի առաջ, իսկ դո՞ւք ում եք ներկայացնում»:
Մանրամասն՝ տեսանյութում:
