Այսօր՝ հունվարի 20-ին, ԱԺ-Կառավարություն հարցուպատասխանի ժամանակ ԼՀԿ խմբակցության պատգամավոր Տարոն Սիմոնյանը նշեց, որ Ադրբեջանի ղեկավարությունը շարունակում է ռազմական հանցագործություններ կատարել: «Մեր կառավարությունը սկսել է իրականացնել իրավական գործընթաց, սակայն իշխող ուժի անդամները տարբեր հարթակներում այնպիսի արտահայտություններ են անում, որ հակասում են ձեր իսկ սկսած իրավական գործընթացին: Միջազգային հանցագործություն կատարած և կատարող անձանց հետ անհնար է բարեկամական հարաբերություններ հաստատել»,- ընդգծեց նա:
Տարոն Սիմոնյանը հստակեցրեց հարցը և ասաց, որ կառավարության անդամներն էին խոսում համակեցության և ադրբեջանցիների հետ առևտուր անելու մասին. «Մինչդեռ ադրբեջանական կողմի համար յուրաքանչյուր հայ թշնամի է: Ձեր կառավարության անդամներին հորդորեք, որ ճիշտ մտքեր արտահայտեն»:
Մանրամասն՝ տեսանյութում: