ԱՄՆ նախագահ Դոնալդ Թրամփն իր կառավարման վերջին օրը ներում է շնորհել նախկին խորհրդական Սթիվեն Բենոնին: Սպիտակ տան հաղորդագրությունում ասվում է, որ նա Միացյալ Նահանգներում պահպանողական շարժման կարևոր առաջնորդներից է, որն առանձնանում է իր քաղաքական հոտառությամբ:
Դեմոկրատները Բենոնին մեղադրում են Մեքսիկայի հետ սահմանին պատ կառուցելու համար հավաքված միջոցները վատնելու մեջ: Խոսքը հարյուր հազարավոր դոլարների մասին է, որոնք յուրացրել են քաղաքական գործիչն ու նրա ընկերները: Բենոնը հրաժարվել է ընդունել իր մեղքը: Նա ազատ է արձակվել 5 միլիոն դոլար գրավի դիմաց:
Բենոնը Թրամփի ավագ խորհրդականն էր 2017թ.-ի հունվար-օգոստոս ամիսներին: Բացի այդ, նա 2016թ.-ին կարևոր դեր է խաղացել Թրամփի նախընտրական շտաբում: