Նախնական պայմանավորվածության համաձայն վարչապետ Նիկոլ Փաշինյանն այսօր ընդունել է անհետ կորած զինծառայողների ծնողներին և նրանց հետ զրուցել ավելի քան երեք ժամ:
Ծնողների խոսքերով, վարչապետը նշել է, որ անհետ կորած զինծառայողների որոնման ուղղությամբ աշխատանքները շարունակվում են: Հայաստանը ձեռք է բերել ԴՆԹ հետազոտության 2-րդ սարքը, որով առավել հեշտությամբ է իրականացվելու հայտնաբերված մարմինների նույնականացումը:
Իսկ գերիների Հայաստան վերադարձի ուղղությամբ վարչապետը ծնողներին փոխանցել է, որ այդ ուղղությամբ ևս ինտենսիվ աշխատանքներ են տարվում և հուսով է, որ լավ լուրը չի ուշանա:
