Առողջապահության համաշխարհային կազմակերպությունը կօգնի Վրաստանին ձեռք բերել կորոնավիրուսի դեմ առաջին պատվաստանյութերից մեկը: Այս մասին Վրաստանի վարչապետ Գիորգի Գախարիայի հետ հեռախոսազրույցում ասել է ԱՀԿ ղեկավար Թեդրոս Ադանոմ Գեբրեյեսուսը:
Ինչպես ավելի վաղ ասել էր Հիվանդությունների վերահսկման ազգային կենտրոնի ղեկավար Ամիրան Գամկրելիձեն, իր բաժանմունքն արդեն մշակում է պատվաստումների պլանը:
Քննարկում է կորոնավիրուսի երեք պատվաստանյութեր երկիր ներմուծելու հնարավորությունը՝ Pfizer, AstraZeneca և Moderna,- ճեպազրույցում ասել է Առողջապահության փոխնախարար Թամար Գաբունիան:
Ներկայումս գործակալությունը աշխատում է պատվաստանյութերի ներդրման ծրագրի վրա:
«Ծրագիրը կազմվում է, և բոլոր փուլերը, որոնք մենք պետք է անցնենք պատվաստանյութը ստանալու համար, կիրականացվեն»,- ասել է Գաբունիան:
Որոշվել են նաև պատվաստանյութ ստացող առաջնահերթ խմբերը:
Առողջապահության նախարարության ներկայացուցիչը նաև հայտնել է, որ ներկա դրությամբ կորոնավիրուսի թեստերի դրական ցուցանիշը կազմում է 11%, ինչը նշանակում է, որ վարակի տարածումը բավականին ինտենսիվ է:
Փորձագետներն ակնկալում են դեպքերի աճ հունվարի 10-ից հետո` Ամանորի և Սուրբ Ծննդյան տոների սահմանափակումների մեղմացման հետևանքով: