Նյու Յորքում COVID-19-ի համավարակի ամբողջ ընթացքում կորոնավիրուս է հայտնաբերվել ավելի քան մեկ միլիոն բնակչի մոտ: Այս մասին են վկայում Ջոնս Հոփքինսի համալսարանի տվյալները:
Հաղորդվում է, որ Նյու Յորքում COVID-19 է հաստատվել 1.011.665 մարդու մոտ:
ԱՄՆ-ի նահանգներից հայտնաբերված դեպքերի քանակով առաջին տեղում Կալիֆոռնիան է (2.3 միլիոն), երկրորդը՝ Տեխասը (1.7 միլիոն): Ավելի քան մեկ միլիոն հիվանդ է հայտնաբերվել նաև Նյու Յորք և Ֆլորիդա նահանգներում:
Միացյալ Նահանգներում դեկտեմբերի կեսերից պատվաստումներ է իրականացվում Pfizer-ի և BioNTech-ի պատվաստանյութով, ավելի ուշ հաստատվել է նաև Moderna-ի պատվաստանյութը: Ըստ Bloomberg-ի հաշվարկների, մինչ այժմ պատվաստանյութի առաջին բաղադրիչը ստացել է 3.49 միլիոն ամերիկացի:
