Կոնգոյից մանրէաբան Ժան Ժակ Մուեմբե Թամֆումը, որը 1976 թվականին հայտնաբերել է Էբոլա վիրուսը, հաղորդել է, որ երկրում կարող է հայտնվել նոր մահաբեր հիվանդություն: Այս մասին հաղորդում է CNN-ը:
Նրա խոսքով՝ Ինգենդե քաղաքի կին պացիենտներից մեկի մոտ հայտնաբերվել են հեմոռագիկ տենդի ախտանշաններ:
Պացիենտի անալիզները ցույց չեն տվել Էբոլայի հարուցիչներ և այլ հիվանդությունների հետքեր:
Մանրէաբանը ենթադրում է, որ կինը կարող է դառնալ նոր հիվանդության զրոյական պացիենտ, որը նա անվանեց «Х հիվանդություն»:
Աֆրիկացի գիտնականի գնահատականներով՝ նոր հիվանդությունը կարող է լինել նույնքան վարակիչ, ինչպես և COVID-19-ը: Մահացու ելքով այն կարող է մոտ լինել Էբոլա վիրուսին, որից մահանում է վարակվածների գրեթե կեսը:
