«Կարեւոր է մարդու իրավունքների հարցերով միջազգային կազմակերպություններում, մշտադիտարկման հանձնաժողովներում ստեղծել համաեվրոպական կարծիք այն մասին, որ Ադրբեջանը վարել է անարդարացի, անօրինական պատերազմ: Այս փաստարկն ապագայում մեզ շատ է պետք գալու, որպեսզի առաջ տանենք մեր դիրքերը տարբեր դատարաններում՝ ընդհուպ մինչեւ Հադրութի եւ Արցախի տարածքի դեօկուպացիայի հարցը, որը, կարծում եմ, մոտ ապագայում կբարձրաձայնվի»,-«Հոդված 3» մամուլի ակումբի առցանց քննարկման ժամանակ այսօր հայտարարեց միջազգային իրավունքի փորձագետ Արա Ղազարյանը` անդրադառնալով ՄԻԵԴ-ում Ադրբեջանի ռազմական հանցագործությունների փաստով հայկական կողմի հասցեագրած գանգատների համատեքստում առաջիկա հնարավոր զարգացումներին: