«Այս օրերին մենք ախտորոշեցինք մեր խնդիրները, բազմաթիվ տեսակետներ հնչեցին, թե ինչու պարտվեցինք: Հասարակության համար. կարծես այլևս պարզ է, որ մենք պարտվեցինք ոչ թե հենց պատերազմի վերջում, այլ վերջին 30 տարիների ընթացքում, քանի որ մի շարք բացթողումներ ենք ունեցել՝ ռազմաքաղաքականից մինչև տեղեկատվական ոլորտներում:
Պարտվեցինք սխալ կողմոնորոշվելու, իրավիճակը սխալ գնահատելու պատճառով: Բնականաբար, Հայաստանի վարչապետը և իշխանությունները կրում են այդ սխալների պատասխանատվությունը»,-«Առաջին լրատվական»-ի հետ զրույցում ասաց արաբագետ Արաքս Փաշայանը: Մեր զրուցակիցը կարծում է, որ ներկայիս իշխանությունը, լինելով ձախողումների խորհրդանիշ, չի կարող լինել այն կենտրոնը, որի շուրջ կձևավորվի ազգային միասնությունը: Փաշայանի խոսքով՝ Արցախի հարցը կապված է աշխարհաքաղաքական այն բարդ ու խրթին զարգացումների հետ, որին ականտեսա եղանք: «Միանշանակ է, որ Ռուսաստանը նախ ամրապնդեց դիրքերը Հարավային Կովկասում և Ադրբեջանին ինչ-որ իմաստով զերծ պահեց դառնալու Թուրքիայի վիլայեթը»:
Առավել մանրամասն՝ տեսանյութում:
