Կանադայի կառավարությունը երկարաձգել է օտարերկրյա քաղաքացիների մուտքի արգելքը: Այս մասին ասվում է հանրային անվտանգության և արտակարգ իրավիճակների պատրաստվածության ապահովման նախարար Ուիլյամ Բլերի հայտարարության մեջ:
«Այլ երկրներից Կանադա մուտքի սահմանափակումները երկարաձգվում են մինչ 2021 թվականի հունվարի 21-ը, բացառությամբ ԱՄՆ-ի», – ասվում է փաստաթղթում:
Ներկայիս սահմանափակումների ժամկետը լրանում է նոյեմբերի 30-ին: Հայտարարության մեջ նշվում է նաև, որ չի բացառվում նաև ԱՄՆ-ից Կանադա Ամերիկայի քաղաքացիների մուտքի արգելքի երկարաձգումը, որը ուժի մեջ է մինչև դեկտեմբերի 21-ը:
