Մարզպետների հետ աշխատանքը ամենածանրն է եղել այս ընթացքում և հատկապես այն մարզերում, որոնք անմիջապես սահմանակից են եղել ռազմական գործողություններին: Այս մասին մարզպետների հետ հանդիպմանը ասաց վարչապետ Նիկոլ Փաշինյանը՝ շնորհակալություն հայտնելով մարզպետներին: «Բայց հիմա մենք պետք է սկսենք խոսակցությունը ապագայի մասին, թե ինչպես ենք պատրաստվում շարունակել ապրել և ինչ նպատակներ ու ապագա ենք պատրաստվում գծագրել և ուղենշել բոլորիս համար»,- նշեց Փաշինյանը՝ հավելելով, որ առաջիկայում սպասվում են բարդ գործընթացներ:
Նրա խոսքով՝ նոյեմբերի 9-ի հայտարարության մեջ արձանագրված պարտավորություններն ու համաձայնությունները շատ ցավոտ են. «Բայց այդ որոշումը կայացվել է մի իրավիճակում, երբ ըստ էության այլընտրանքը կարող էր լինել ավելի ծանր: Վատ նորությունները երբ իրագործվում են, երկրորդ էֆեկտն են ունենում: Եվ մենք պետք է կարողանանք մեր ուսերին կրել այդ բեռը՝ ոչ թե նրա համար, որ դա հաճելի է մեզ, այլ որովհետև դրա այլընտրանքը կարող է լինել կործանարար: Մենք սա չենք կարող թույլ տալ, ու մենք չենք փախչում»:
Մանրամասն՝ տեսանյութում: