Արցախի ճանաչման նախագիծը առայժմ միայն սենատի կողմից է ընդունվել: Երկրորդ փուլում ԱԺ-ն պետք է ընդունի, որը Ֆրանսիայի խորհրդարանի Ստորին պալատն է, և երրորդ փուլում Ֆրանսիայի նախագահը: Այս պահին մեր ունեցած արդյունքը միայն սենատում է և դեռ վաղ է մեծ խանդավառության համար: Այս մասին «Առաջին լրատվական»-ի հետ զրույցում ասաց եվրոպագետ, «Հանուն հանրապետության» ԺՊԴԿ անդամ Անի Եղիազարյանը՝ հավելելով, որ պետք է անխոնջ աշխատանքները չդադարեցնել, որպեսզի նախագիծը հնարավորինս շուտ գա ԱԺ, պետք է և դիվանագիտական աշխատանք տանել և լոբբինգ իրականացնել:
«Ֆրանսիացիները ճանաչման հարց են բարձրացնում Արցախի ամբողջ այն տարածքների վերաբերյալ, որոնք եղել են 94թ. սկսած՝ մինչև սեպտեմբերի 27-ը, և կոչ են անում այնտեղից դուրս հանել ադրբեջանական զորքերը:
Չափազանց կարևոր է, որ բանաձևում հիշատակելով ադրբեջանական իշխանությունների կողմից Սումգայիթում, Կիրովաբաում, Բաքվում հայերի ջարդերը և հղում անելով ռասիզմի և անհանդուրժողոկանության դեմ Եվրոպական հանձնաժողովի ռասսայական խտրականության դեմ ՄԱԿ-ի կոմիտեի զեկույցներին՝ Ադրբեջանի վերաբերյալ, արձանագրվում է Ադրբեջանում հայ բնակչության ապրելու անհնարինությունը և ադրբեջանցիների հետ նույն տարածքում ապրելու անհամատեղելիությունը: Նման կետերը մեզ համար ավելի օգտակար կարող են լինել»:
Անի Եղիազարյանի խոսքով՝ Ֆրանսիայի այս քայլը կարելի է դիտարկել նաև որպես դեմարշ Ռուսաստանի դեմ, որը ԵԱՀԿ Մինսկի խմբի մյուս անդամներին անտեսել է նոյմեբերի 10-ի փաստաթղթի ստորագրման ժամանակ:
Մանրամասն՝ տեսանյութում: