Այսօր՝ նոյեմբերի 26-ին, Ազգային ժողովում հրավիրվել է արտահերթ նիստ: Քննարկվում է Ռազմական դրության ռեժիմը վերացնելու մասին որոշումը ընդունելու մասին հարցը:
«Խնդրում եմ, ինձ այդպես մի հարգեք: 2.5 տարի ես խորհուրդ եմ տալիս այս դահլիճում և ձեր սենյակներում, թե ինչպես պետք է իրավական գործիքները օգտագործեք արտաքին քաղաքականության բնագավառում: Եթե դուք դա անտեսում եք, ձեր հարգանքի խոսքը ինձ համար 0 արժեք ունի»,- հայտարարեց «Լուսավոր Հայաստան» խմբակցության պատգամավոր Տարոն Սիմոնյանը:
Նրա խոսքով` մենք չունեցանք իմաստություն կանխելու այս աղետը. «Մենք` բոլորս, չկարողացանք հաղթանակ տանել»:
Տարոն Սիմոնյանը նշեց, որ հիմա պետք է վնաս չտալ. «Դուք ի վիճակի չեք և ունակ չեք ազգային շահը պահպանել: Ես սպասում եմ կամ ձեր ակտիվ գործողություններին, կամ ձեր ղեկավարի հեռացմանը: Դուք ազնիվ չեք, այս ամբիոնից հայտարարում եք մի բան, բայց կատարում` այլ բան»:
Նա ընդգծեց. «Հեղափոխության առաջացրած մեծամտությունը անգամ պատերազմում մեծաքանակ սխալների արդյունքում չարթնացրեց ձեր խոնարհությունը»:
Մանրամասն՝ տեսանյութում:
