ՌԴ գլխավոր պետական սանիտարական բժիշկ Աննա Պոպովան հայտարարել է, որ կորոնավիրուսի դեմ պատվաստանյութը չի պաշտպանում վարակից, բայց պաշտպանում է հիվանդության ծանր ընթացքից և մահից, նրա խոսքը մեջբերում է «ՌԻԱ Նովոստի»-ն:
Պոպովան պարզաբանել է, որ պատվաստանյութը «սկաֆանդր չէ, արտաքին աշխարհից մեկուսացում չէ», ուստի աշխարհում գոյություն ունեցող ոչ մի պատվաստանյութ մարդուն չի պաշտպանում հարուցիչի հետ հանդիպումից և դրա օրգանիզմ ներթափանցումից: Այնուամենայնիվ, շիճուկը հնարավորություն կտա խուսափել հիվանդության ծանր ընթացքից և դրա հետևանքով մահվանից:
Վերջին մեկ օրվա ընթացքում Ռուսաստանում հայտնաբերվել է կորոնավիրուսով վարակված 24.326 մարդ, ապաքինվել է 23.226, մահացել՝ 491 մարդ:
