Հայաստանի արտաքին քաղաքականության առանցքային սկզբունքներից պետք է լինի հարաբերությունների հավասարակշռության վերականգնումը՝ մեկ գործընկերոջից բացի՝ նաև այլ երկրների հետ հարաբերությունների ձևավորումը, ԱՄՆ-ի և եվրոպական երկրների հետ հարաբերությունների կտրուկ զարգացումը, և դրանց ծառայեցումը ՀՀ նպատակներին: Այս մասին «Առաջին լրատվական»-ի հետ զրույցում ասաց միջազգայնագետ, ԱՄՆ նախկին փոխդեսպան Արմեն Խարազյանը:
«Հայաստանը պետք է ունենա ռազմավարություն, որին հավասարապես պետք է ծառայեն թե՛ դիվանագիտությունը, թե՛ պաշտպանական քաղաքականությունը և թե՛ ազգային անվտանգության ապահովման համակարգը: Հայաստանն այս պահին չունի ռազմավարության այդ շրջանակը: Կա նաև կարծիքների անհավասարակշռություն այն հարցում, թե ինչպիսին պետք է լինի ՀՀ արտաքին քաղաքականությունը և որոնք են ՀՀ զարգացման հնարավոր ուղիները և դրանցից որոնք են հասանելի»,- նշեց մեր զրուցակիցը:
Խարազյաին դիտարկմամբ՝ այս պատերազմում Հայաստանի պարտության պատճառն առաջին հերթին ՀՀ պաշտպանական համակարգի տեխնոլոգիական անպաշտպանությունն էր, ինչպես նաև տնտեսության բացակայությունը և դիվանագիտության կաղալը:
Միջազգայնագետի խոսքով՝ Ռուսաստանը սպասարկեց Ադրբեջանի շահը և մեծացրեց վերահսկողությունը Հայաստանի նկատմամբ:
Մանրամասները՝ տեսանյութում:
