Թուրքիայում մասնակի պարետային ժամի սահմանումն ամենեւին չի վերաբերում հյուրանոցների եւ նրանց կցված լողափերի աշխատանքին, բայց կարող Է ազդել Էքսկուրսիաների անցկացման վրա: Այդ մասին, ինչպես տեղեկացնում Է TourDom.ru.-ն:
Նոր կանոնների համաձայն, առեւտրի բոլոր կենտրոնները, վարսավիրանոցներն ու գեղեցկության սրահները կարող են աշխատել միայն 10:00-ից մինչեւ 20:00-ն: Կինոթատրոնները, ռեստորանները եւ սրճարանները պետք Է փակվեն այցելուների համար: Սակայն հասարակական սննդին թույլատրված Է իրականացնել առաքում: Նաեւ ուժի մեջ Է մնում ծխելու արգելքը:
Տեղի տուրիստական բիզնեսի ներկայացուցիչները պարզաբանել են, որ այդ սահմանափակումները ամենեւին չեն վերաբերում հյուրանոցների, ինչպես նաեւ նրանց կցված լողափերի աշխատանքին, ուստի հանգստացողներն առայժմ անհանգիստ վիճակում չեն:
Այնուամենայնիվ, ձեռնարկատերերն իրենք տարակուսում են, թե ինչպես այժմ անցկացնել արտագնա Էքսկուրսիաները եւ կազմակերպել մարդկանց սնունդը: Ակներեւ Է, որ դրա հետ կապած կարող են խնդիրներ առաջանալ:
«Իհարկե, պարետային ժամի պատճառով զբոսաշրջիկները հազիվ թե հրաժարվեն ուղեւորություններից, իսկ տուրօպերատորները՝ կրճատեն ծրագրերը: Բայց մենք այժմ այստեղ անհանգստանում ենք, որ դա միայն առաջին փուլն Է, եւ հետագայում մեզ համար պատրաստում են նոր արգելիչ միջոցառումներ»,-ճշտել Է Պետերբուրգի տուրիստական գործակալության սեփականատեր Մարիա Շեկերը, որը բնակվում Է Անթալիայում, հաղորդել Է ՌԻԱ Նովոստին:
