ԶՈւ Գլխավոր շտաբի պետը փաստացի ընդունեց, որ մեր Զինված ուժերը պատրաստ չեն եղել լայնամասշտաբ պատերազմի՝ նման հակառակորդի դեմ, ինչպիսին Թուրքիան է: Անդրադառնալով Գլխավոր շտաբի պետի հայտարարությանը՝ այս մասին ասաց իրավագետ, «Հանուն հանրապետության» ԺՊԴԿ անդամ Արտաշես Խալաթյանը:
Նրա խոսքով՝ պատերազմի ընթացքը ի վնաս մեզ է եղել, և բնական է, որ հետագայում իրենց հաջողություններից արբեցած թուրք-ադրբեջանական ուժերին անհնար էր բերել բանակցությունների դաշտ, քանի որ նրանք հասկացել էին, որ պատերազմով ավելին կարող են ստանալ, քան բանակցություններով:
Արտաշես Խալաթյանը նկատեց, որ հարց է առաջանում, բայց ոչ ոք այսօր չի կարող պատասխանել այդ հարցին՝ արդյո՞ք հնարավոր էր պատերազմից խուսափել, թե՞ ոչ: «Այդ մասին միգուցե իր հուշերում կգրի արտգործնախարար Զոհրաբ Մնացականյանը: Բայց պարզ է, որ պատերազմը սկսվելուց հետո թափանիվը կարող էր կանգնել միայն որոշակի հավասարակշռություն ապահովելու դեպքում»:
Իրավաբան, «Քաղաքացու որոշում» կուսակցության անդամ Նարեկ Ներսիսյանի խոսքով՝ կազմակերպվածության խնդիր է եղել, բացի դրանից՝ տարբեր ուժերի կողմից կանգնեցվել է հարձակողական օպերացիան:
Մանրամասները՝ տեսանյութում: