Այսօր՝ նոյեմբերի 17-ին, ԱԺ հայտարարությունների ժամին «Իմ քայլը» խմբակցության պատգամավոր Գայանե Աբրահամյանը հայտարարեց, որ պետք է դասեր քաղվեն, սխալները ընդունվեն և շտկվեն. «Եթե ի վիճակի չենք սխալները շտկելու, թողնենք, որ այլք դա անեն»:
«Ես չեմ կարողանալու ձեր, ձեր մայրերի աչքերին նայել, սիրելի զինվորներ, որովհետև, այո, մեղավոր եմ: Բայց ես ամեն ինչ անելու եմ, որ ձեր աչքերը բաց լինեն հաղթանակի համար, որ կարողանաք ձեր և մեր պարտությունից կորացած մեջքը ուղղել»:
«Եթե անգամ մարտի դաշտում եղել են դավաճաններ, ես եմ մեղավոր` որպես իշխանության մի մասնիկ, ես եմ մեղավոր` որպես հասարակության մի մասնիկ, եթե անգամ 25 կամ 30 տարի բանակը թալանել են»,- ասաց նա և հավելեց, որ պետք է բացառել արյունահեղությունը, ներքին պառակտումը:
Նրա խոսքով` մանդատը վայր դնելը փախուստ չէ պատասխանատվությունից. «Ես վերջին օրերին բոլոր քայլերը ձեռնարկել եմ լուծումներ գտնելու, և ներկա պահին այդ մեկ մանդատը չի լուծելու այդ խնդիրը: Ինձ համար միակ ազնիվ ճանապարհը հեռանալն է` հատկապես, երբ այդ մասին հայտարարել էի պատերազմից առաջ»:
Մանրամասն՝ տեսանյութում:
