Դեռևս 25 տարի առաջ Microsoft-ի հիմնադիր Բիլ Գեյթսը կանխատեսել է, որ ապագայում տեսակապերը փոխարինելու են դեմ առ դեմ հանդիպումներին: «Ճանապարհ դեպի ապագա» -ում միլիարդատերը գրել է, որ անհատական համակարգիչներին կամ հեռուստացույցներին կցված տեսախցիկներով փոքր տեսասարքերը մարդկանց հնարավորություն կտան շփվելու համացանցով և «ունենալու ավելի լավ որակի պատկեր և ձայն ցածր գներով»: Գեյթսի աշխատանքը լույս է տեսել 1995 թվականին:
GeekWire գագաթնաժողովում հաղորդավար Թոդ Բիշոփը Գեյթսին հիշեցրել է նրա մարգարեության մասին՝ հայտնում է Inc.com-ը: Այժմ՝ կորոնավիրուսային համավարակի ֆոնին, շատ մարդիկ անցել են տեսահանդիպումների ձևաչափին: Այսպիսով, կանխատեսումն իրականացել է: Եվ Գեյթսին հարցրել են, թե ինչ կլինի հետո:
Միլիարդատիրոջ խոսքով՝ մարդկությունն այժմ ավելի հեռուն է գնալու և գործնական ճանապարհորդությունների քանակը հասցնելու է նվազագույնի: Նրա խոսքով՝ եթե մարդը ճանապարհորդություն է նախատեսում, «որքան մեծ լինի էկրանը, այնքան լավ»: Ապագայում, ըստ նրա կանխատեսումների, համակարգչային էկրանները կարող են մի ամբողջ պատ զբաղեցնել: Նաև վիրտուալ իրականության ակնոցների շնորհիվ մարդիկ կկարողանան օգտագործել ամբողջ տեսադաշտը: