ԱՄՆ նախագահ Դոնալդ Թրամփը սատարել է իր ֆրանսիացի գործընկեր Էմանուել Մակրոնին՝ ամբողջ աշխարհում իսլամի ճգնաժամի մասին բարձրաձայնելուց և Charlie Hebdo երգիծական ամսագրում ծաղրանկարների հրապարակումը պաշտպանելուց հետո: Այս մասին Twitter- ում հայտնել է Սպիտակ տան ներկայացուցիչ Ջադ Դիրը:
Նրա խոսքով՝ նախօրեին ամերիկացի առաջնորդը զրուցել է Մակրոնի հետ և իր խորին ցավակցությունն է հայտնել նրան՝ ֆրանսիացիների վրա «սարսափելի և անիմաստ հարձակումների» կապակցությամբ: Թրամփը վերահաստատել է, որ ԱՄՆ-ը համերաշխ է Ֆրանսիայի հետ՝ արմատական իսլամական ծայրահեղականության դեմ պայքարում:
Պետությունների ղեկավարները համաձայնել են, որ աշխարհում նման բռնությունը տեղ չպետք է ունենա, և հույս են հայտնել, որ ժողովրդավարական արժեքները միշտ հաղթելու են: