Եթե թշնամուն հաջողվել է Արաքսի հովտում, հարթավայրային մասում երկու շրջան վերցնել, դա չի նշանակում, որ մենք պարտվել ենք, մենք դեռ ուժ ունենք իրենց պարտության մատնելու և ծնկի բերելու: Այս մասին «Առաջին լրատվական»-ի հետ զրույցում նշեց ազատամարտիկ Վահագն Կարապետյանը:
«Համ էլ երկրորդ տարբերակ էլ չունենք: Ես օրինակ, չեմ պատրաստվում հեռանալ կամ որ իմ երեխաները Ռուսաստանում, Ամերիկայում մկամ մեկ ուրիշ տեղ ապրեն: Երբ ես երեխա եմ ունեցել, ունեցել եմ, որ հայրենիքում ապրեն: Ես որ ասում եմ հայրենիք, նկատի չունեմ մեր եղած հայրենիքը: Ես գրանցվել եմ Հադրութում, որովհետև ինձ համար տարբերություն չկա Երևանում եմ ապրում, թե Հադրութում: Ինձ համար բոլորն էլ հայրենիք են: Ինչ-որ տեղ ես Հադրութն ավելի շատ եմ սիրում, քան Երևանը: Ժամանակ է եղել, որ ես այնտեղ անտառներում եմ ապրել, ձի եմ ունեցել: Երևանցու համար դա մի քիչ արտառոց է, բայց ինձ համար բոլորը հայրենիք է: Ինձ համար մինչև Քուռը հայրբնեիք, է ուղղակի զավթած հայրենիք է»,-ասաց նա: