Անցած մեկ օրվա ընթացքում Ռուսաստանում կորոնավիրուսային վարակի նոր դեպքերի օրական աճը 84 մարզերում կազմել է 16.202: Մահացել է 346 մարդ: Սա հաստատված մահվան դեպքերի նոր հակառեկորդ է, որը չորեքշաբթի օրը հրապարակել է օպերատիվ շտաբը:
Ռուսաստանի Դաշնությունում COVID-19-ի նոր դեպքերի օրական քանակը երկրորդ օրն անընդմեջ նվազում է: Նախորդ օրը գրանցվել էր 16.550 նոր դեպք, չնայած երկուշաբթի՝ հոկտեմբերի 26-ին, այդ ցուցանիշը գերազանցել էր 17 հազարի նշագիծը: Հոկտեմբերի 24-ին գրանցվել է COVID-19-ի 16.521 նոր դեպք, իսկ հոկտեմբերի 25-ին՝ 16.710:
Մոսկվայում արդեն երկու օր է, նկատվում է նոր դեպքերի թվի նվազում: Մեկ օրվա ընթացքում Ռուսաստանի մայրաքաղաքում հայտնաբերված դեպքերի քանակը 3.670 է, նախորդ օրը գրանցվել էր 4.312 դեպք, իսկ երկուշաբթի օրը՝ COVID-19-ի 5 224 նոր դեպք: Մեկ օրվա ընթացքում հիվանդանոցներից դուրս է գրվել 3.577 մարդ, 75-ը մահացել են: