Լուրեր
Իրենց թալանածը ծախելու ու ՀՕՊ-ի խնդիրը լուծելու փոխարեն «ադրբեջանական սպեցնազը» Ալիևի գիծն է տանում թիկունքում

Այսօր հոկտեմբերի 27-ն է. ինչպես գիտենք 1999թ. հոկտեմբերի 27-ի ոճրագործության հիմքում էլ արցախյան հարցն էր, Մեղրին, և այսօր՝ 21 տարի անց թշնամին նորից Մեղրիի մատույցներում է:

«Ինչպես որ 21 տարի առաջ հոկտեմբերի 27-ին կատարված ոճրագործությունը մենք համարել ենք հայոց պետականությանն ուղղված սպառնալիք, մարտահրավեր և հարված, այսօր էլ այդ հարվածն ունենք ադրբեջանաթուրքական ագրեսիայի տեսքով, և ցավալիորեն նաև Հայաստանում նրանց ձայնակցող «ադրբեջանական սպեցնազի» տեսքով: «Առաջին լրատվական»-ի հետ զրույցում այս մասին ասաց Հանրային խորհրդի նախագահ Ստեփան Սաֆարյանը:

«Գիտենք, որ այն ժամանակ կար անթաքույց ցանկություն Մեղրիի միջանցքը փոխանակելու Լաչինի միջանցքի հետ, որին դեմ էին Վազգեն Սարգսյանը և Կարեն Դեմիրճյանը: Այդ ժամանակ Թուրքիան նույնպես ակտիվորեն ներգրավված էր այս կարգավորման մեջ»,- նշեց Սաֆարյանը:

Անդրադառնալով դիտարկմանը, որ պատերազմական այս օրերին Վազգեն Մանուկյանի կողմից հնչեց տարօրինակ հայտարարություն, թե այս կառավարությունը պետք է հրաժարական տա՝ բանակին հանձնելով ողջ իշխանությունը, Ստեփան Սաֆարյանը նկատեց. «Այսպիսի հայտարարություն անողները ժողովրդի կողմից ընտրված քաղաքական իշխանության կապիտուլյացիա են ուզում, այսինքն՝ նրանք Ալիևի լեզվով են խոսում:

«Այսօր, երբ ոչ միայն Արցախի խնդիրն է, այլ Մեղրիի, Հայաստանի խնդիրն է դրված, այդ մարդիկ կրկին ակտիվացել են, ինչպես 21 տարի առաջ, և պահանջում են Հայաստանի իշխանության կապիտուլյացիա, որպեսզի Հայաստանի քաղաքական թևը չաշխատի արտաքին քաղաքականության մեջ… Նրանք դավաճանել են ՀՀ բոլոր շահերին, «աբիժնիկությունից» դրդված՝ ամեն ինչ արել են ՀՀ-ՌԴ հարաբերությունները վատացնելու համար: Նրանք առաջարկում են իշխանությունը փոխանցել ռազմական թևին, բայց ռազմական թևը դիվանագետ չէ արտաքին քաղաքականության մեջ, սա դավաճանական կոչ է: Սա արվում է Հայաստանը թուլացնելու համար»,- նշեց Ստեփան Սաֆարյանը՝ ընդգծելով, որ իրենց թալանածը ծախելու ու ՀՕՊ-ի խնդիրը լուծելու փոխարեն Ալիևի գիծն են տանում թիկունքում:

Մանրամասն՝ տեսանյութում:

  • Դիտումներ՝ *