Նոյեմբերի 23-24-ը ՎՈւԱՄ-ի քարտուղարությունում տեղի է ունեցել ազգային կոորդինատորների խորհրդի 20-րդ նիստը, որին մասնակցել են Ուկրաինայի ԱԳ նախարարի տեղակալ Ա.Գորինը, Ադրբեջանի ԱԳ նախարարի տեղակալ Ա.Ազիմովը, Վրաստանի ԱԳ նախարարի տեղակալ Դ. Ջալագանիան, Ուկրաինայում Մոլդովայի արտակարգ եւ լիազոր դեսպան Ի. Ստեվիլեն եւ ՎՈւԱՄ-ի գլխավոր քարտուղար Վ. Չեչելաշվիլին: Նիստում քննարկվել է կազմակերպության գործունեությունը, քաղաքական, միջխորհրդարանական համագործակցության, ՎՈւԱՄ-ի մյուս երկրների եւ կազմակերպությունների հետ համագործակցության հարցերը:
Նիստում առաջարկ է ներկայացվել մշտապես կարծիքներ փոխանակել ՎՈւԱՄ-ի տարածքում ձգձգվող հակամարտությունների հարցում, հավանություն է տրվել Վրաստանի առաջարկին` ՄԱԿ-ի եւ ՎՈւԱՄ-ի միջեւ համագործակցության վերաբերյալ բանաձեւի ներկայացմանը:
