Իտալիայի ԱԳ նախարարությունը քաղաքացիներին հանձնարարում Է արտասահման ուղեւորություններից ձեռնպահ մնալ Եվրոպայում կորոնավիրուսով վարակումների թվի աճի ֆոնին եւ կոչ Է անում հաշվի առնել հնարավոր խնդիրները հայրենիք վերադառնալիս:
«Հաշվի առնելով համաճարակաբանական իրադրության վատթարացումը Եվրոպայում՝ Իտալիայի ԱԳՆ-ն բոլոր հայրենակիցներին հանձնարարում Է խուսափել արտասահման ուղեւորություններից, բացի խիստ անհրաժեշտ պատճառներով ուղեւորությունները»,- ասվում Է գերատեսչության հաղորդագրության մեջ:
Բացի այդ, դիվանագետները չեն բացառում հետագա սահմանափակումներ մտցնելը, որոնք կարող են բարդացնել իտալացիների վերադարձը երկիր:
«Վերադառնալու հետ կապված նմանատիպ խնդիրներ՝ անհամեմատ ավելի լուրջ հետեւանքներով, կարող են առաջանալ Եվրամիության կազմի մեջ չմտնող պետություններ ուղեւորությունների դեպքում»,-ասվում Է նախարարության կայքում զետեղված հայտարարության մեջ:
Ամռանն Իտալիան երկիր մուտքի եւ 16 պետություններից տարանցման ժամանակավոր արգելք Էր սահմանել: Ցուցակի մեջ տեղ Էին գտել Սերբիան, Բոսնիան եւ Հերցեգովինան, մի շարք հարավամրիկյան երկրներ, ինչպես նաեւ Հայաստանը եւ Մոլդովան, հաղորդել Է ՌԻԱ Նովոստին: