Վրաստանի արտգործնախարար Դավիթ Զալքալիանին կարծում է, որ Ռուսաստանի կողմից Աբխազիայի և Հարավային Օսիայի անկախության վերանայումը երկկողմ հարաբերությունների կարգավորման միակ միջոցն է:
Չճանաչելու քաղաքականությունը կլինի մեր հիմնական ուղղվածությունը, այն բերում է կարևոր արդյունքների … Ռուսաստանը միանշանակ պետք է հետ վերցնի ճանաչումը: Հարաբերությունները կարգավորելու այլ տարբերակ չկա», – ասել է Զալքալիանին «Վրացական երազանք» կուսակցության նախընտրական արշավի շրջանակներում անցկացվող միջոցառման ժամանակ:
Միևնույն ժամանակ, նախարարը նշել է, որ այս դիրքորոշումը չի հակասում Վրաստանի հետևողական քաղաքականությանը՝ կապված ժողովուրդների միջև հարաբերությունների ապահովման, զբոսաշրջության զարգացման և այլ հումանիտար հարցերի լուծման հետ:
Զալքալիանին նշել է, որ վրացական կողմի խնդիրն է ապահովել, որ գրավյալ տարածքների հարցը օրակարգում լինի բոլոր միջազգային ասպարեզներում և ձևաչափերում: