Ազգային ժողովի «Իմ քայլը» խմբակցության պատգամավոր Արամ Խաչատրյանը ֆեյսբուքյան իր էջում գրել է. «Անմահացավ հերոս եղբայրս՝ Սևակ Լևոնի Սերոբյանը:
Սևա՛կ ջան, իմ հարազատ, բառերը խեղդվում են կոկորդումս, չգիտեմ ինչպես արտաբերեմ բառեր, որոնք հնչելու են անցյալով ու կապվելու են քեզ հետ։ Իմ հպարտություն, իմ ամենաթանկ եղբայր, քո արյունով ներկեցիր հայոց հողն ու պարտադրեցիր այն հաղթանակը, որը, ցավոք, գալու է առանց քեզ գրկելու ու շնորհավորելու։
Անսահման է ցավս, սակայն անսահման է նաև հպարտությունս, որ հանուն Հայրենիքի մղվող սուրբ պատերազմում գլուխդ վայր դրեցիր հայոց եզերքի, տան ու օջախի խաղաղության ու հավերժի համար:
https://www.facebook.com/permalink.php?story_fbid=692996254956932&id=100027396902036
