Պատերազմի 24-րդ օրն է, հայկական զինված ուժերը շարունակում են հերոսաբար պայքարել թուրք-ադրբեջանական տանդեմի և վարձկան ահաբեկիչների դեմ: Դեռ պատերազմի առաջին օրերին արաբական մի շարք երկրներ հանդես եկան հայտարարություններով, մեծ մասն, իհարկե հավասարության նշան էր դնում Հայաստանի և Ադրբեջանի միջև: Այս համատեքստում հատկանշական է Արաբական պետութունների լիգայի գլխավոր քարտուղարի և Սիրիայի նախագահի բավականին կոշտ հայտարարությունները՝ ուղղված Թուրքիային: Ինչ տրամադրություններ է տիրում արաբական աշխարհում, ինչ է գրում մամուլը, այս և մի շարք այլ հարցեր «Առաջին Լրատվական»-ը քննարկել է արաբագետ Արաքս Փաշայանի հետ:
«Պաշտոնական հայտարարությունները կարծես դադարեցին: Բայց պետք է նշել, որ Մերձավոր Արևելքի, արաբական երկրների մամուլն ուղղակի հեղեղված է Արցախի պատերազմի մասին լուրերով, վերլուծություններով: Պետք է նշել, որ սոցիալական մեդիայում նույնպես ակտիվ քննարկումներ են ծավալվում, որոնցում գերակշռում է թուրքամետ տրամադրվածությունը: Ինձ մոտ այնպիսի տպավորություն է, որ Արցախ-ադրբեջանական հակամարտությունն իսլամական միջավայրում ձեռք է բերում կրոնական երանգավորում»,-ասաց Փաշայանը:
Մեր զրուցակցի խոսքով՝պետք է նկատի ունենալ, որ իսլամական աշխարհում ձևավորվում են օջախներ, որոնք ունեն հստակ հակահայկական ուղղվածություն, և այդ հոսքը, կարծես, էլ ավելի մեծ թափ է ստանում ժամանակի ընթացքում:
Առավել մանրամասն՝ տեսանյութում: