2011 թ. հունվար-հուլիս ամիսներին Առևտրաարդյունաբերական պալատը տրամադրել է ապրանքի ծագման երկրի 3620 հավաստագիր՝ 2010 թ. նույն ժամանակաշրջանի 3131-ի փոխարեն:
Հիշեցնենք, որ այս տարվա փետրվարից ապրանքի ծագման երկրի հավաստագրերը սկսել են տրամադրել 1 պատուհանի սկզբունքով:
ԱԱՊ գործադիր տնօրեն Արայիկ Վարդանյանը «Առաջին լրատվականին» հայտնեց, որ արտահանողները հնարավորություն ունեն փաստաթղթերը ԱԱՊ ներկայացնել էլեկտրոնային և թղթային տարբերակներով:
Թեև անցած տարվա համեմատ հավաստագրերի պահանջարկը շատացել է, սակայն չմոռանանք, որ ճգնաժամային տարիներին արտահանման կտրուկ անկում էր տեղի ունեցել:
Հավաստագրերի տրամադրման կարգը փոխելու հետ միաժամանակ կառավարությունը թանկացրել էր նաև դրանց գինը. եթե նախկինում հավաստագիրն արժեր 15 հազար դրամ` հավելած ԱԱՀ-ի 20%-ը, և գինը կազմում էր 18 հազար դրամ, փորձագիտական եզրակացությունը՝ 2-10 հազար և ավելի դրամ, ապա այժմ սահմանվել է միասնական գին՝ 30 հազար դրամ:
