Լուրեր
Հայ ժողովուրդը հատ-հատ աքսորելու է ներքին թշնամուն, բոլորիդ անգիր գիտենք
  • 22:15
  • 2020-10-12
  • Դիտումներ՝ *

Լրջագուն իրավիճակ է, ճակատագրական պահ է, հայ ժողովուրդը չպետք է հայացքը հետ դարձնի, մենք հետքայլի ճանապարհ չունենք: Թե՛այս պատերազմական գործողությունները, թե՛ պատերազմի ավարատը պետք է վերջակետ դնեն 30 տարվա մեր սպասմանը, և  պետք է վերջ տալ զինվորների արյան հոսքին: «Առաջին լրատվական»-ի հետ զրույցում այս մասին ասաց կոմպոզիտոր Ավիտես Բերբերյանը՝ նկատելով, որ համայն հայությունը՝ ամեն մեկն իր «ֆրոնտում» կանգնած է և ոչ մի քայլ հետ չի գնալու:

«Դիվանագիտական սեղանին դրված է կապիտալ՝ ահաբեկչություն, խաղաղ բնակչության, քաղաքաների ենթակառուցվածքների վրա ռմբահարում արգելված զինատեսակներից, Ս. Ղազանչեցոց եկեղեցու կրկնակի ռմբահարում, երրրորդ երկրներից մատակարարվող ռազմամթերք և հայկական գործոնը,»- նշեց կոմպոզիտորը: Դիմելով դիվանագետներին՝ Բերբերյանը նշեց. «Դուք քնելու իրավունք չունեք, աչք թարթելու ժամանակ չպիտի ունենանք, ամբողջ աշխարհի դիվանագիտական հարթակներում, դիվանագիտական դաշտում մեծ աշխատանք ունեք անելու, մեծագույն պատասխանատվություն եք կրում հայ ժողովրդի համար, ինչպես հայ զինվորն է կռվում ռազմադաշտում, այնպես էլ դուք պիտի օրնիբուն աշխատեք դիվանագիտական դաշտում և անեք ամեն հնարավորն ու անհնարինը»:

Անդրադառնալով Սփյուռքի ներուժին, մեր զրուցակիցը նշեց, որ համահայությունը հզորագույն զենք է՝ ատոմային զենքից էլ հզոր:

Անդրադառնալով ապատեղեկատվությանը և ներքին խժդժություններին՝ Ավետիս Բերբերյանը նշեց. «Գործող ռազմական իրադրության ժամանակ գործում են ռազմական իրադրության օրենքները: Սա պետությունը պետք է խստագույնս կիրառի: Խժդժություններ ներարկող հայտարարություններ անողների, սուտ փիլիսոփա վերլուծաբանների ու դեմոկրատիայի ժամանակը չունենք: Մենք պարզապես կոշտ հակահարված պետք է տանք: Ժամը գալու է, և հայ ժողովուրդը հատ-հատ աքսորելու է ներքին թշնամուն: Դուք իրավունք չունեք այս հողի վրա ապրելու ձեր ստորությամբ ու ազգադավ գործունեությամբ: Դուք պիտի դառնաք վտարանդի, բոլորիդ անգիր գիտենք»:

Մանրամասն՝ տեսանյութում:

  • Դիտումներ՝ *