Ադրբեջանը փորձում է օգտվել այս բանակցություններից և, արդեն կարող ենք ասել, ձեռք չբերված հաշտությունից՝ ևս մեկ զանգվածային հարձակում իրագործելու համար Արցախի հարավի վրա, որը ակնհայտորեն չեն կարողացել իրականացնել: Այս մասին «Առաջին լրատվական»-ի հետ զրույցում նշեց ռազմական փորձագետ Լեոնիդ Ներսիսյանը:
«Դա մեծապես կապված է նրա հետ, որ Ալիևը երեկ հայտարարել էր, թե Հադրութը վերցրել են, ինչը տեղի չէր ունեցել:
Սա Ալիևի վերջին անհաջող փորձն է»,- նկատեց մեր զրուցակիցը՝ հավելելով, որ նրա նվազագույն խնդիրը 1-2 շրջանի գրավումն է իր բնակչությանը ցուցադրելու համար:
Մեր զրուցակցի խոսքով` Ադրբեջանի համար բարդ է ավարտել պատերազմը, քանի որ փաստացի գնացել է վա-բանկ:
Ինչ վերաբերում է Թուրքիային, ռազմական փորձագետը նկատեց. «Թուրքիային Ռուսաստանը չի կարող ճնշել բառերով: Ես առայժմ Ռուսաստանի մոտ չեմ տեսնում բավարար կամք ընդդեմ գնալու Էրդողանին: Իսկ Բաքվին Ռուսաստանն արդեն կորցրել է»:
Մանրամասն` տեսանյութում:
