Նորվեգացի Անդերս Բրեյվիկը, որին մեղադրում են Օսլոյի կենտրոնում կառավարական կենտրոնը պայթեցնելու և Ուտեյա կղզում տասնյակ երիտասարդների գնդակահարելու մեջ, պատրաստվում էր մայրաքաղաք Օսլոյում իրականացնել մի շարք պայթյուններ: Այս մասին հաղորդում է տեղական մամուլը:
Մասնավորապես ահաբեկչի առաջնային թիրախներից պետք է լիներ թագավորական պալատը և Նորվեգիայի աշխատավորական կուսակցության գրասենյակը: Այսպիսի եզրակացության են եկել լրագրողները՝ ուսումնասիրելով Բրեյվիկի՝ ինտերնետում հրապարակված 1500 էջանոց «2083. Եվրոպայի անկախության հռչակագիրը»:
Ոստիկանությունում նույնպես հաստատել են, որ Բրեյվիկը պատրաստվում էր նոր ահաբեկչություններ իրականացնել, սակայն ցուցմունքների ժամանակ նա ասել է, որ պայթեցման ենթակա են եղել կառավարական շենքերը, այլ ոչ թե թագավորական պալատը: