Մենք չենք ասել, որ կորոնավիրուսի տարածման երկրորդ ալիք չի լինի, ես բազմիցս ասել եմ, որ դեպքերը որոշակի կաճեն, բայց ոչ այնքան, քան նախկինում էր, բայց հաշվի առնելով առկա իրավիճակը, բնակչության շարժն ու շփումների ինտենսիվությունը, ունենք այպիսի պատկեր։ Այս մասին «Առաջին լրատվական»-ի հետ զրույցում նշել է ԱԺ «Իմ քայլը» խմբակցության պատգամավոր Նարեկ Զեյնալյանը՝ անդրադառնալով նրան, որ վերջին օրերին կորոնավիրուսի թվերը մտահոգիչ են, և որ օրական թվերը հասնում են թեստավորվածների 20 տոկոսին։
«Այո, վերջին շաբաթվա ընթացքում թվերը բավականին աճել են։ Բնակչության զգոնություն հետ կապված խնդիր ունենք այստեղ, քանի որ հասկանալի է, որ ամբողջ հասարակության հայացքները, ուշադրությունը Արցախին են ուղղված և կորոնավիրուսի խնդիրը մղվել է երկրորդ պլան»,-ասաց նա։
