Բանակցությունների վերաբերյալ առաջին կատեգորիկ «ոչ»-ը եկել է Թուրքիայից, մինչ Ալիևը կպատասխաներ ԵԱՀԿ Մինսկի խմբի համանախագահների առաջարկին: Դրան հետևեց Ալիևի հայտարարությունը, որ բանակցությունների չեն գնա, հակամարտությունը կլուծեն ռազմական ճանապարհով: Էրդողանի և Ալիևի պլանը բլից-կրիգն էր, այնպես, ինչպես Էրդողանն իր ծրագիրն իրականացրել է Սիրիայում, սակայն դա նրանց չհաջողվեց: Այս մասին «Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր Հովհաննես Իգիթյանը:
Պատգամավորն ընդգծեց, որ աշխարհի երկրները զբաղված է տարբեր խնդիրներով՝ համավարակ, ընտրություններ, քաղաքական խաղեր և այլն, և այս պատերազմը չեն կանգնեցնելու. «Այս պատերազմը կանգնեցնելու ենք մենք, կանգնեցնելու է Լեռնային Ղարաբաղի Պաշտպանության բանակը»:
«Ամեն դեպքում գործընկերների հետ աշխատելն անհրաժեշտ է: Այս ձգվող պատերազմը փոխում է մարդկանց պատկերացումը Լեռնային Ղարաբաղի կոնֆլիկտի ծագումնաբանության մասին: Շատ կարևոր է մտածել պատերազմին հաջորդող քայլերի մասին:
Ադրբեջանի համար հաղթանակ նշանակում է հայաթափել Լեռնային Ղարաբաղը և այն միացնել Նախիջևանին, իսկ հայերի համար հաղթանակը ապրելն է, գոյություն ունենալը իրենց երկրում»,- նշեց պատգամավորը՝ հավելելով, որ Ալիևը վա բանկ է գնում:
Դիտարկմանը, որ Եվրախորհրդարանում երբևէ այսպիսի կոշտ հռետորաբանություն և գնահատակներ չէին հնչել Ադրբեջանի հասցեին, Իգիթյանը նշեց, որ այդպիսի մոտեցումները քաղաքական և դիվանագիտական աջակցություն են և մեզ համար կարևոր են: «Ալիևը և Էրդողանը աշխարհին մղում են դեպի Արցախի Հանրապետության ճանաչում: ԵԽ այսօրվա քննարկումը ցույց տվել, որ Թուրքիայի և Ադրբեջանի ստերին աշխրահը չի հավատացել»:
Մանրամասն՝ տեսանյութում:
