Հայաստանի Հանրապետության կրթության, գիտության, մշակույթի և սպորտի նախարարությունը ոսկե մեդալներով կպարգևատրի Արցախի հերոսի կոչմանն արժանացած 5 զինծառայողների դպրոցներին
Այս մասին «Ֆեյսբուք»-ի պաշտոնական էջում գրառում է կատարել ՀՀ ԿԳՄՍ նախարար Արայիկ Հարությունյանը:
«Հոկտեմբերի 4-ին որոշում եմ կայացրել Արցախի ազգային նոր հերոսների մեջ քաղաքացիական բարձր պատասխանատվություն և հայրենասիրություն սերմանելու ու հանուն Հայրենիքի անձնազոհության որակներ փոխանցելու համար հոկտեմբերի 5-ին նշվող Ուսուցչի օրվա առթիվ հերոսների դպրոցներին պարգևատրել Հայաստանի Հանրապետության կրթության, գիտության, մշակույթի և սպորտի նախարարության ոսկե մեդալներով»,-նշել է նա:
Արցախի Հանրապետության նախագահ Արայիկ Հարությունյանի հրամանագրով հոկտեմբերի 4-ին հինգ զինծառայող արժանացել է «Արցախի հերոս» բարձրագույն կոչմանը. նրանցից մեկը՝ հետմահու:
Նրանք են Դավիթ Լյովայի Գրիգորյանը, որը սեպտեմբերի 27-ից խոցել է 15 տանկ և 1 ՀՄՄ, Էդգար Էդվարդի Մարկոսյանը, որը Թալիշի ուղղությամբ խոցել է 10 տանկ, Յուրա Հայկարամի Ալավերդյանը, որը 9 տանկ և 1 միավոր ավտոտեխնիկա է խոցե, գնդապետ Սերգեյ Շահենի Շաքարյանը, որը մարտնչում է առաջին ազատամարտից և Դավիթ Վանիկի Ղազարյանը՝ հետմահու, վարել է մարտը` ոչ մի քայլ հետ սկզբունքով:
https://www.facebook.com/arayikharutyunyanpage/posts/2715919662028700?__xts__[0]=68.ARCx-Z0xPgaRoOmsuL8vQSCgUanWs_FOU0kzclOOhrESZt4ZBdt_Z3GWzV97JrNEePe3a5AQZqhOxDnMShxG9YevvrI3YtsEKXKQxRjjhnODfquTMb7AUmi45e7N28RC5h-b6w6BtfL6mC-IhF6peY3VXUx7oGOcFjvDFKyznRfQkCPp30yG2XzRVG_dFjhLUmG41a7K4iHjA-skitj4DXU8jJUUDccvNDxJYE6bt-bqaT0izJFwBWDLaynaG-LU2OtfMRGUeHVyL8aX1II7n0SlSkEXrrX0qoi3IZfQE9ekwHsYMMvz4GX9RGURFOQwxnIftX5ulQmXALL_rfQLHbE2VcDe&__tn__=-R
