«Հեզբոլլահ»-ը Լիբանանում գաղտնի պահեստ ունի, որը կարող է Բեյրութում ևս մի պայթյունի պատճառ դառնալ, հայտարարել է Իսրայելի վարչապետ Բենյամին Նեթանյահուն՝ ելույթ ունենալով ՄԱԿ-ի Գլխավոր վեհաժողովի 75-րդ նստաշրաջնում։
Նեթանյահուն ՄԱԿ-ի Գլխավոր ասամբլեային ուղղված իր ուղերձում մի քարտեզ է ցույց տվել․ «Եվս մի պայթյուն կարող է տեղի ունենալ այստեղ․ սա Բեյրութի Ջանահ թաղամասն է, միջազգային օդանավակայանի մոտ։ Ահա այստեղ է Հեզբոլլահի զենքի գաղտնի պահեստը։ Սա գազային ընկերությունից 50 մետրի վրա է»,- ասել է Նեթանյահուն։
Դիմելով լիբանանցի ժողովրդին` նա ասել է. «Դուք հիմա պետք է գործեք, պետք է բողոքեք դրա դեմ, քանի որ եթե սա պայթի, դա մի նոր ողբերգություն կլինի: Դուք պետք է ասեք` «Վերացրեք այդ պահեստները»:
«Միջազգային հանրությունը պետք է պնդի, որպեսզի Հեզբոլլահը դադարեցնի Լիբանանն ու լիբանանցիներին որպես կենդանի վահաններ օգտագործել»,- ասել է Իսրայելի վարչապետը։
