Այսօր՝ սեպտեմբերի 28-ին, Ազգային ժողովում հրավիրվել է արտահերթ նիստ: Օրակարգում 2020թ. սեպտեմբերի 27-ին Արցախի Հանրապետության դեմ Ադրբեջանի սանձազերծած ռազմական ագրեսիան դատապարտելու վերաբերյալ ԱԺ հայտարարության նախագիծն է:
«Եզդիական համայնքը կանգնած է հայ ժողովրդի կողքին: Այսօր երկու եզդիներ վիրավորվել են»,- հայտարարեց «Իմ քայլը» խմբակցության պատգամավոր Ռուստամ Բաքոյանը:
Նա նշեց, որ իրենք ձևավորել են եզդիական ջոկատ և պատրաստ են մեկնել Արցախ. «Այդ հողը Թեմուրի, Քյարամի, Համլետի, Բորիսի, Սիդարի արյամբ է սրբագործվել»:
Բաքոյանն ընդգծեց, որ անվտանգության գոտին պետք է ընդլայնել. «Մենք Հայաստանում ինքնակամ ենք ցանկանում պաշտպանել մեր ընդհանուր սուրբ հողը: Արցախի ամեն մի սանտիմը եզդիներիս համար սուրբ է ու թանկ: Սիրելի զինվորներ ու սպաներ, ես ձեր ցավը տանեմ, մենք ուժեղ ենք ու հաղթելու ենք»:
Մանրամասն՝ տեսանյութում:
