Վարչապետ Նիկոլ Փաշինյանի գլխավորությամբ Կառավարությունում տեղի է ունեցել Անվտանգության խորհրդի արտահերթ նիստ, որին բացի ԱԽ անդամներից մասնակցել նաև ՀՀ նախագահ Արմեն Սարգսյանը, Ազգային ժողովի նախագահ Արարատ Միրզոյանը, վարչապետի աշխատակազմի ղեկավար Էդուարդ Աղաջանյանը եւ Արտակարգ իրավիճակների նախարար Ֆելիքս Ցոլակյանը: Նիստի ընթացքում անդրադարձ է կատարվել ղարաբաղա-ադրբեջանական սահմանագոտում հակառակորդի կողմից սանձազերծված ռազմական լայնամասշտաբ գործողություններին հակազդելուն, Զինված ուժերի կողմից դրանց արժանի հակահարված տալուն եւ հետագա քայլերին վերաբերող հարցեր: Թեմայի շուրջ «Առաջին լրատվական»-ը զրուցել է Հանրային խորհրդի նախագահ Ստեփան Սաֆարյանի հետ:
«Այս ռազմական ավանտյուրան Ալիևին օդուջրի նման պետք էր և՛ ներքին լսարանի առջև իր հեղինակազրկված կերպարը վերականգնելու, և՛ բանակցային սեղանի շուրջ իր դիրքերը բարելավելու համար: Ալիևը մտածում է փրկել խորտակվող նավը, որովհետև հասկանում է, որ երկար չի կարող մնալ գահին, կարող է մեկ վայրկյանում հօդս ցնդել»,- նշեց Ստեփան Սաֆարյանը:
ՀԽ նախագահը նաև նշեց, որ Ադրբեջանը լկտիանալու սովորություն ունի. Հայաստանը պետք է պատժիչ գործողություններ իրականացնի: Նա նաև կոչ արեց մեկ բռունցք դառնալ և ապատեղեկատվությանը տուրք չտալ:
Մանրամասն՝ տեսանյութում: