ԱՄՆ նախագահ Դոնալդ Թրամփը հայտարարել է, որ վստահ չէ առաջիկա նախագահական ընտրությունների ազնվության մեջ`փոստով զանգվածային քվեարկության պատճառով, հաղորդում է Reuters- ը:
«Պետք է շատ զգույշ լինել փոստով քվեարկելու հարցում: … Դուք պետք է վստահ լինեք ընտրությունների ազնվության մեջ, բայց ես վստահ չեմ», – հայտարարել է նախագահը:
Ըստ Թրամփի՝ փոստով քվեարկությունը երկիրը խոցելի է դարձնում արտերկրից միջամտելու տեսանկյունից, ինչպես նաև նպաստում է քվեատուփերում «մեռած հոգիների» հայտնվելուն:
Ավելի վաղ Թրամփը խուսափել էր պատասխանել այն հարցին, թե պատրա՞ստ է արդյոք ընտրություններում պարտության դեպքում խաղաղ կերպով հրաժարվել իշխանությունից: Ավելի ուշ նա հայտարարել էր, որ կընդունի իր դեմոկրատ հակառակորդ Ջոզեֆ Բայդենի հաղթանակը, եթե դա հաստատվի Գերագույն դատարանի կողմից:
ԱՄՆ նախագահական ընտրությունները տեղի կունենան 2020 թվականի նոյեմբերի 3-ին:
