«Մանկական ծառայությամբ պետք է զբաղվեն ոլորտից հասկացողները։ Ե՛վ Դանիելյանը, և՛ Թամամյանը քաջ ծանոթ են բոլոր խնդիրներին՝ կապված մանկական արյունաբանության և ուռուցքաբանության հետ։ Իսկ մեզ չեն ասում, թե ովքեր են լինելու Դանիելյանի կամ Թամամյանի փոխարինողները։ Արդյոք նրանք լինելո՞ւ են արյունաբաններ կամ ուռուցքաբաններ։ Եվ հետո, եթե մի ծառայությունը լիարժեք կատարում է իր աշխատանքը, եթե ղեկավարը լիարժեք կատարում է իր աշխատանքը, շատ լավ ղեկավար է, արդյոք իմաստ ունի՞ նրան փոխել։ Սա է հարցը։ Իսկ եթե իմաստ կա, թող մեզ էլ ասեն, բացատրեն»,-«Առաջին լրատվական»-ի հետ զրույցում ասաց Ռ. Հ Յոլյանի անվան արյունաբանական կենտրոնի մանկական բաժանմունքի ղեկավար Լալա Վաղարշակյանը։
Հիշեցնենք, որ առողջապահության նախարարությունը որոշում է կայացրել դադարեցնել ՀՀ ԱՆ պրոֆ․Ռ․Յոլյանի անվան Արյունաբանական կենտրոնի տնօրեն Սամվել Դանիելյանի պայմանագիրը, որին հետևել է Հայաստանի մանկական քաղցկեղի և արյան հիվանդությունների կենտրոնի ղեկավար Գևորգ Թամամյանի ազատման դիմումը։
Արյունաբանական հիվանդանոցի բժիշկները ևս պատրաստվում են հոկտեմբերի 1-ով դադարեցնել պայմանագրերը։
Վաղարշակյանն ասաց, որ այլ տարբերակ չկա։ Իրենք ուզում են աշխատել Սամվել Դանիելյանի ղեկավարության ներքո, և իրենց քայլը միակ ճանապարհն է։
Առավել մանրամասն՝ տեսանյութում։
